🍴西日Fusion松露盛宴✨
-
銅鑼灣依間用黑松露作主題嘅餐廳，唔係gimmick 咁簡單，而係基本上每道菜式都加入松露嘅元素，就連醬汁嘅細節都品嚐到黑松露嘅風味🤩 用餐環境偏向休閑風，以木色配搭綠色植物，仲有唔少熊啤啤擺設🧸 晚市提供6個Dinner set，最平三百多就可以試均七道菜，貴少少食材上都有所改變~
-
今次試左 <柳> ($698/1位) & <榛> ($888/1位) 前者會以^ 代表
*
-Starter-
•黑松露番茄沙律🍅: 原個去原番茄呈上，配以底下嘅黑松露黑醋汁，酸酸甜甜幾醒胃
•松露屋他他盒: 包括有吞拿魚蓉，帶子，三文魚籽同甜蝦。唔好意為係普通嘅魚生板，其實所有魚生都沾上黑松露醬同黑松露油。落嘅份量洽到好處，唔會搶走魚生嘅鮮味😉
•松露屋三弄^ : 三款bite size 嘅小食，有肝醬，帶子同鮑魚，前面個兩款就配黑松露菇菌，鮑魚就配黑松露薯蓉😍 雖然份量少少哋，但松露味幾足！
•海膽黑松露茶碗蒸^ : 做得幾出色，個蛋質感滑溜，入面仲有蝦同白果，加埋面層嘅海膽，三文魚籽同原片黑松露，味道夠哂鮮🥰 係最後個幾啖帶白果嘅甘苦味稍微影響到個味道
*
-Soup-
黑松露魚翅湯: 湯底以日式醬油同木魚為主，再同黑松露片煮過，所以飲落會滲出淡淡嘅松露幽香🥄 當然唔少得份量觸目嘅魚翅
*
-Main-
•甘鯛鱗立燒配黑松露忌廉汁🍴: 有冇人記得之前omakase 介紹過依個菜式，用高溫油炸過，連魚鱗都脆到食到落肚🐟 今次依個同樣做到外脆內嫩感，係面層over少少，導致魚鱗偏硬，冇咁鬆脆，油味重左啲🤭 但配埋夠creamy嘅忌廉汁加返分！
•澳洲M6和牛西冷配黑松露燒汁🐂: 和牛餐廳建議食五成以上， <柳> 配嘅慢煮牛柳就可以叫三成。和牛西冷turn out係七成左右，有筋位，肉味唔算濃，但好嘅地方係仲keep 到肉汁~
•蟹肉蟹膏黑松露飯🦀^ : 份量剛好，唔會過多~ 每一啖都食到濃濃嘅蟹鮮味，加埋面層嘅魚籽，添加左一份鹹香
•黑松露鮑魚素麵🥢: 醬油加松露菇菌作醬汁，再放上彈牙有咬口嘅鮑魚片♥️ 麵條幼細，滑身之餘仲掛滿醬汁！
*
-Dessert-
蜂蜜雪糕配黑松露醬🍨: 蜂蜜雪糕呢雲呢拿味偏重，偏甜但主要甜品應該來自蜂蜜🐝 上面淋左黑松露醬，但感覺配搭有啲奇怪，如果將黑松露infuse入雪糕會自然啲
-
整體而言，食材用料高級，貫徹黑松露為主題🍽 係牛扒方面失色左啲。除左依點，係其他菜式都睇到餐廳嘅創意同心思
-
松露屋 (銅鑼灣)
銅鑼灣登龍街18號V Point 2樓2號舖 @ Truffle House
Search